ဇော်ဂျီနှင့် သူယောင်မယ်အကအစွမ်းပြပြီး MYANMAR’S GOT TALENT တွင် ဆုရရှိခဲ့သည့် သားတို့အမြွှာ(ရုပ်သံ)

2019-09-17 18:54:03


ဇော်ဂျီနှင့် သူယောင်မယ်အကအစွမ်းပြပြီး MYANMAR’S GOT TALENT တွင် ဆုရရှိခဲ့သည့် သားတို့အမြွှာ(ရုပ်သံ)

ချစ်စရာကောင်းတဲ့ သွင်ပြင်၊ သွက်လက်တဲ့ ကကွက်ဆန်းတွေနဲ့ အားလုံးကို ဖမ်း စားထားနိုင်ခဲ့တဲ့ မန္တလေးမြို့မှ သားတို့အမြွှာမိုးဖြိုးဟာ ပြီးခဲ့တဲ့ Myanmar’s Got Talent ရဲ့ ဖိုင်နယ်စင်မြင့်ထက်မှာလည်း အစွမ်းပြယှဉ်ပြိုင်သွားနိုင်ခဲ့ပါတယ်။


မန္တလေးမြို့ရဲ့ ထွန်းတောက်လာတဲ့ ကြယ်ပွင့်ကလေးတွေ ဖြစ်ကြတဲ့ အမြွှာ ညီ နောင်ဟာ ပြိုင်ပွဲတလျှောက်မတူညီတဲ့ ကကွက်ဆန်းတွေနဲ့ အစွမ်းပြယှဉ်ပြိုင်ပြီး နောက် ဆုံးဖိုင်နယ်အဆင့်ကို တက်ရောက်နိုင်ခဲ့တာ ဖြစ်ပါတယ်။


ငယ်ရွယ်ပေမယ့် အနုပညာအရည်အသွေး ပြည့်ဝတဲ့ သူတို့ ညီအစ်ကိုဟာ တယောက်က အမျိုးသမီးလို၊ တယောက်က အမျိုးသားလို ဝတ်ဆင်ကပြ ဖျော်ဖြေရတဲ့ ဦးရွှေရိုးနဲ့ ဒေါ်မိုးလို အကမျိုး၊ ဇာတ်မင်းသားတွေလို အကမျိုးသာမက အပျိုတော်အက တွေထိအောင် ကပြနိုင်စွမ်းရှိတဲ့ ကလေးငယ်တွေ ဖြစ်ကြပါတယ်။


အသက် ၁၂ နှစ်အရွယ် ရှိနေပြီဖြစ်တဲ့ သူတို့ ညီအစ်ကိုဟာ မနှစ်က ကျင်းပခဲ့တဲ့ ပြိုင်ပွဲ မှာလည်း ယှဉ်ပြိုင်ခဲ့ဖူးပြီး ပရိသတ် အားပေးမှုရရှိထားကြသူတွေ ဖြစ်ကြပါတယ်။


အခုနှစ်ရဲ့ ပြိုင်ပွဲစင်မြင့်ပေါ်မှာလည်း တကျော့ပြန် ယှဉ်ပြိုင်မှုတွေနဲ့ ပရိသတ် တွေကိုရော ဒိုင်တွေကိုပါ ဖမ်းစားထားနိုင်ခဲ့တာပါ။


ပြီးခဲ့တဲ့ တနင်္ဂနွေနေ့က ကျင်းပပြီးစီးသွားတဲ့ ယှဉ်ပြိုင်မှုမှာတော့ သူတို့ အမြွှာ ညီအစ်ကိုက တမူကွဲပြားတဲ့ ဇော်ဂျီနဲ့ သူယောင်မယ်လေးအသွင် ဆန်းဆန်းပြားပြား သရုပ်ဖော်အကအလှတွေနဲ့ ယှဉ်ပြိုင်ခဲ့ပြန်ပါတယ်။


ဖျော်ဖြေမှုအစမှာ တယောက်က အနီရောင်ရဲရဲ ဇော်ဂျီအသွင်နဲ့ လေပေါ်ပျံဝဲ ထွက်လာခဲ့ပြီး အမူအရာက တကယ့်ကို သွက်သွက်လက်လက်နဲ့ ကပြဖျော်ဖြေနေခဲ့ တာကို တွေ့ရပါတယ်။ အဲဒီနောက် စင်တဖက်စွန်းက အစိမ်းရောင်ပျော့ပျော့ သူယောင်မယ်လေးအသွင်နောက်တယောက်က ရောက်လာချိန်မှာတော့ သူတို့ ၂ ဦး ဟန်ချက်ညီညီ ကပြဖျော်ဖျေကြပါတော့တယ်။


ဒါပေမယ့် တကြိမ်မှာတော့ သူယောင်မယ်လေးဟာ ပျောက်သွားခဲ့ပြီး ဇော်ဂျီက လိုက်ရှာဟန်ပြကွက်ကတော့ အားလုံးကို ပါးစပ် အဟောင်းသားဖြစ်သွားစေအောင် အံ့အားသင့်စေခဲ့ပါတယ်။ ပျောက်ဆုံးသွားတဲ့ သူယောင်မယ်ကလေးဟာ ဒိုင်တွေနောက် ပွဲခင်းထဲ ရောက်ရှိနေခဲ့လို့ပါပဲ။




အမြွှာ ၂ ဦးရဲ့ သရုပ်ဆောင်မှု၊ အထာကျကျ လှုပ်ရှားနွဲ့ပျောင်းမှုတွေနဲ့ ရှိနေခဲ့ တာဟာ ဒိုင်တွေကိုရော ပရိသတ်တွေကိုပါ ထင်မှတ်မထားတဲ့ ရသတွေပေးနိုင်ခဲ့ပါ တယ်။


Myanmar’s Got Talent ပြိုင်ပွဲကို မြန်မာနိုင်ငံမှာ ကျင်းပလာခဲ့တာ ၆ နှစ်တိုင်ခဲ့ ပြီဖြစ်ကာ အခုနှစ် ၂၀၁၉ ခုနှစ်ရဲ့ Myanmar’s Got Talent ပြိုင်ပွဲမှာတော့ ဒိုင် တွေအဖြစ် ဝါရင့်သရုပ်ဆောင်မင်းသမီး မို့မို့မြင့်အောင်၊ ဒါရိုက်တာ မောင်သီ၊ သရုပ်ဆောင်မင်းသမီး ခိုင်သင်းကြည်၊ အစီအစဉ်တင်ဆက်သူ မောင်မောင်အေးတို့က အကဲဖြတ်အမှတ်ပေးကြတာ ဖြစ်ပါတယ်။


သားတို့အမြွှာမိုးဖြိုးညီနောင်ဟာ မနှစ်က Myanmar’s Got Talent ပြိုင်ပွဲမှာ နောက်ဆုံးဆယ်ဦး ဆန်ကာတင်စာရင်းထဲထိ ပါဝင်ခဲ့တာ ဖြစ်ပါတယ်။


အခုနှစ်ရဲ့ နောက်ဆုံးဖိုင်နယ်အဆင့်ကိုတော့ သားတို့အမြွှာမိုးဖြိုးနဲ့အတူ ပြိုင်ဘက်တွေ ဖြစ်ကြတဲ့ ဘုန်းမြတ်မင်း ၊ Baby Star ၊ မင်းမြတ် ၊ ရွှေစိုးရာဇာ၊ Angelo Erasmus ၊ Feng Yi ၊ Damien ၊ ဇော်နိုင်ဝင်း၊ ဝင်းစန်းအောင်စတဲ့ အဖွဲ့တွေက အကြိတ်အနယ် ယှဉ်ပြိုင်ခဲ့ကြရတာပါ။


ပြိုင်ပွဲဝင်တွေအားလုံးရဲ့ ယှဉ်ပြိုင်မှုအပြီးမှာတော့ ပရိသတ်တွေပေးတဲ့ Voting နဲ့ နောက်ဆုံး ဖိုင်နယ်အဆင့် တက်ရောက်နိုင်သူတွေကို ကြေညာမယ့်အချိန် ရောက်ရှိလာ ခဲ့ပါတယ်။


ပရိသတ် ပေးတဲ့ မဲနဲ့ Top 3 စာရင်းထဲမှာတော့ ဘုန်းမြတ်မင်း၊ မှော်ဆရာ Damien နဲ့ ဇော်ဂျီနဲ့ သူယောင်မယ်ကကွက်နဲ့ ယှဉ်ပြိုင်ခဲ့သူ သားတို့အမြွာမိုးဖြိုးတို့ ပါဝင်လာခဲ့တာ ဖြစ်ပါတယ်။


အဲဒီနောက်မှာ Second Runner up ကို ကြေညာချိန်မှာ သားတို့အမြွှာ မိုးဖြိုးက ရရှိသွားခဲ့ပြီး Myanmar’s Got Talent ရဲ့ ချန်ပီယံ Winner ဆုကို ဘုန်းမြတ်မင်းနဲ့ First Runner Up ကိုတော့ မှော်ဆရာ Damien က ရရှိသွားခဲ့ပါတယ်။


Credit: DVB TV News