ေခ်ာက္တြင္ ၁၀ ႏွစ္ၾကာ ပိတ္ပင္ထားေသာ ဗလီဝတ္ျပဳေက်ာင္း နွစ္ေက်ာင္းျပန္ဖြင့္ ဝတ္ျပဳျခင္းကို ေနွာက္ယွက္ပါက အေရးယူမည္

2019-09-17 18:54:51


ေခ်ာက္တြင္ ၁၀ ႏွစ္ၾကာ ပိတ္ပင္ထားေသာ ဗလီဝတ္ျပဳေက်ာင္း နွစ္ေက်ာင္းျပန္ဖြင့္ ဝတ္ျပဳျခင္းကို ေနွာက္ယွက္ပါက အေရးယူမည္

မေကြးတိုင္းေဒသႀကီး ေခ်ာက္ၿမိဳ႕ရိွ ၁၀ ႏွစ္ၾကာ ကန္႔သတ္ပိတ္ပင္တားျမစ္ထားေသာ ဗလီဝတ္ျပဳေက်ာင္း ႏွစ္ေက်ာင္းကို ဝတ္ျပဳခြင့္ျပဳခဲ့ၿပီး အေနွာက္အယွက္ေပးမႈရိွလ်ွင္ ဥပေဒအရ အေရးယူေဆာင္ရြက္ရန္ တိုင္းေဒသၾကီးအစိုးရအဖြဲ႔မွ ၫႊန္ၾကားထားေၾကာင္း ယင္းၿမိဳ႕နယ္ အေထြေထြအုပ္ခ်ဳပ္ေရးမွဴး ဦးေက်ာ္ေဆြဝင္းက ေျပာၾကားသည္။


ေခ်ာက္ၿမိဳ႕ အမွတ္ ၉ ရပ္ကြက္၊ ၿမိဳ႕မဗလီ ဝတ္ျပဳေက်ာင္းႏွင့္ အမွတ္ ၁၁ ရပ္ကြက္ မဂၤလာဂ်ာေမ့ ဗလီ ဝတ္ျပဳေက်ာင္း နွစ္ေက်ာင္းတြင္ မြတ္စလင္ဘာသာဝင္မ်ား ဝင္ေရာက္ဝတ္ျပဳခြင့္ကိုယခင္က ပိတ္ပင္ထားေသာ္လည္း စက္တင္ဘာလ ၉ ရက္ေန႔က ျပန္လည္ခြင့္ျပဳျခင္းျဖစ္သည္။


“ဗလီအတြင္း ဝတ္ျပဳျခင္းကို ခြင့္ျပဳေပးၿပီးျဖစ္ပါတယ္။ အေနွာက္အယွက္ေပးသူမ်ားကို ဥပေဒျဖင့္ အေရးယူမယ္လို႔ မေကြးတိုင္းေဒသႀကီးအစိုးရအဖြဲ႔က ၫႊန္ၾကားထားပါတယ္”ဟု ၄င္းက ဆိုသည္။


မြတ္စလင္ဘာသာဝင္မ်ားက အဆိုပါ ဗလီဝတ္ျပဳေက်ာင္းမ်ားအတြင္း ဝင္ေရာက္ဝတ္ျပဳခြင့္ရိွေသာ္လည္း ပ်က္စီးေနေသာ ဗလီေက်ာင္းမ်ားကို ျပန္လည္ျပဳျပင္မြန္မံျခင္းကို ခြင့္ျပဳမထားေၾကာင္း ဦးေက်ာ္ေဆြဝင္းက ရွင္းျပသည္။


အဆိုပါ ဗလီဝတ္ျပဳေက်ာင္း နွစ္ခုသည္ လြန္ခ့ဲေသာ ၁၀ နွစ္ေက်ာ္ကာလက စလင္းၿမိဳ႕နယ္အတြင္းရိွ ေက်းရြာတစ္ရြာတြင္ ျဖစ္ပြားေသာ ကိစၥနွင့္ပတ္သက္ၿပီး အဓိက႐ုဏ္ျဖစ္ပြား၍ မီးရိႈ႕ဖ်က္ဆီးခံခ့ဲရၿပီး ကန္႔သတ္နယ္အျဖစ္ တားျမစ္ပိတ္ပင္ထားျခင္းျဖစ္သည္။


Credit: The Voice


Unicode


မကွေးတိုင်းဒေသကြီး ချောက်မြို့ရှိ ၁၀ နှစ်ကြာ ကန့်သတ်ပိတ်ပင်တားမြစ်ထားသော ဗလီဝတ်ပြုကျောင်း နှစ်ကျောင်းကို ဝတ်ပြုခွင့်ပြုခဲ့ပြီး အနှောက်အယှက်ပေးမှုရှိလျှင် ဥပဒေအရ အရေးယူဆောင်ရွက်ရန် တိုင်းဒေသကြီးအစိုးရအဖွဲ့မှ ညွှန်ကြားထားကြောင်း ယင်းမြို့နယ် အထွေထွေအုပ်ချုပ်ရေးမှူး ဦးကျော်ဆွေဝင်းက ပြောကြားသည်။


ချောက်မြို့ အမှတ် ၉ ရပ်ကွက်၊ မြို့မဗလီ ဝတ်ပြုကျောင်းနှင့် အမှတ် ၁၁ ရပ်ကွက် မင်္ဂလာဂျာမေ့ ဗလီ ဝတ်ပြုကျောင်း နှစ်ကျောင်းတွင် မွတ်စလင်ဘာသာဝင်များ ဝင်ရောက်ဝတ်ပြုခွင့်ကိုယခင်က ပိတ်ပင်ထားသော်လည်း စက်တင်ဘာလ ၉ ရက်နေ့က ပြန်လည်ခွင့်ပြုခြင်းဖြစ်သည်။


“ဗလီအတွင်း ဝတ်ပြုခြင်းကို ခွင့်ပြုပေးပြီးဖြစ်ပါတယ်။ အနှောက်အယှက်ပေးသူများကို ဥပဒေဖြင့် အရေးယူမယ်လို့ မကွေးတိုင်းဒေသကြီးအစိုးရအဖွဲ့က ညွှန်ကြားထားပါတယ်”ဟု ၄င်းက ဆိုသည်။


မွတ်စလင်ဘာသာဝင်များက အဆိုပါ ဗလီဝတ်ပြုကျောင်းများအတွင်း ဝင်ရောက်ဝတ်ပြုခွင့်ရှိသော်လည်း ပျက်စီးနေသော ဗလီကျောင်းများကို ပြန်လည်ပြုပြင်မွန်မံခြင်းကို ခွင့်ပြုမထားကြောင်း ဦးကျော်ဆွေဝင်းက ရှင်းပြသည်။


အဆိုပါ ဗလီဝတ်ပြုကျောင်း နှစ်ခုသည် လွန်ခဲ့သော ၁၀ နှစ်ကျော်ကာလက စလင်းမြို့နယ်အတွင်းရှိ ကျေးရွာတစ်ရွာတွင် ဖြစ်ပွားသော ကိစ္စနှင့်ပတ်သက်ပြီး အဓိကရုဏ်ဖြစ်ပွား၍ မီးရှို့ဖျက်ဆီးခံခဲ့ရပြီး ကန့်သတ်နယ်အဖြစ် တားမြစ်ပိတ်ပင်ထားခြင်းဖြစ်သည်။


Credit: The Voice