မူလတန်း သင်ရိုးသစ်အတန်းများကို စာမေးပွဲစစ်ဆေးမည်မဟုတ်ဘဲ အလယ်တန်း သင်ရိုးသစ်တန်းအား စာမေးပွဲစစ်ဆေးမည်

2019-09-18 13:37:55


မူလတန်း သင်ရိုးသစ်အတန်းများကို စာမေးပွဲစစ်ဆေးမည်မဟုတ်ဘဲ အလယ်တန်း သင်ရိုးသစ်တန်းအား စာမေးပွဲစစ်ဆေးမည်

မူလတန်းသင်ရိုးသစ်အတန်းများကို စာမေးပွဲစစ်ဆေးမည်မဟုတ်ဘဲ အလယ်တန်း သင်ရိုးသစ်တန်းကို စာမေးပွဲစစ်ဆေးသွားမည်ဟု အခြေခံပညာဦးစီးဌာနမှ ညွှန်ကြားရေးမှူးချုပ် ဦးကိုလေးဝင်းက ပြောကြား သည်။


မူလတန်းအဆင့် သင်ရိုးသစ်အတန်း များဖြစ်သော KG ၊ ပထမတန်း၊ ဒုတိယတန်း နှင့် တတိယတန်းတို့တွင် စာသင်ခန်းတွင်း အကဲဖြတ်ခြင်းဖြင့် ဆောင်ရွက်ရမည်ဟု ညွှန်ကြားထားသည်။အလယ်တန်းအဆင့် ဆဋ္ဌမတန်း သင်ရိုးသစ်အတွက် တတ်မြောက်မှု စစ်ဆေးရာတွင် စာပေဘာသာရပ်များဖြစ်သော မြန်မာစာ၊ အင်္ဂလိပ်စာ၊ သင်္ချာ၊ ပထဝီ၊ သိပ္ပံ၊ သမိုင်း တို့ကို တတ်မြောက်မှုစာမေးပွဲ စစ်ဆေးအကဲ ဖြတ်ရမည်ဖြစ်ပြီး ကျန်ဘာသာများဖြစ်သော စာရိတ္တနှင့် ပြည်သူ့နီတိ၊ ဘဝတွက်တာ ကျွမ်း ကျင်စရာ၊ ကာယပညာ၊ အနုပညာ (ပန်းချီ၊ ဂီတ) တို့ကို Performance Based Assessment ဖြင့် ကျောင်းသူကျောင်းသားများ၏ တတ်မြောက်မှုကို အကဲဖြတ်ရမည်ဟု ညွှန်ကြားထားကြောင်း သိရသည်။


“ဖွံ့ဖြိုးရေးက Performance Based နဲ့သွားမှာ။ စာမေးပွဲကို မေးခွန်းတွေထုတ်ပြီး မစစ်ဘူး။ ဥပမာ ပန်းချီဆွဲထားရင် ဆွဲထား တာကိုကြည့်ပြီး အကဲဖြတ်မှာ”ဟု အခြေခံ ပညာဦးစီးဌာနမှ ညွှန်ကြားရေးမှူးချုပ် ဦးကို လေးဝင်းက ပြောကြားသည်။ကျန်သင်ရိုးဟောင်း အတန်းများကို ပုံမှန်အတိုင်း သင်ကြားပြီး စာမေးပွဲများ စစ်ဆေးမည်ဟု သိရသည်။ အခြေခံပညာကျောင်းများတွင် စာမေးပွဲစစ်ဆေးခြင်းကို လေးကြိမ် ကျင်းပရမည်ဟု ညွှန်ကြားထားသည်။အခန်းဆုံးစစ်ဆေးခြင်းကို ဇူလိုင် သို့မဟုတ် သြဂုတ်တွင် တစ်ကြိမ်၊ အောက်တိုဘာလတွင် ပထမနှစ်ဝက် စာမေးပွဲတစ်ကြိမ်၊ ဒီဇင်ဘာလတွင် အခန်းဆုံးစစ်ဆေးခြင်း တစ်ကြိမ်နှင့် နှစ်ဆုံးစာမေးပွဲကို မတ်လတွင် ကျင်းပမည်ဖြစ်သည်။လာမည့် အောက်တိုဘာ ပထမအပတ် တွင် ပထမနှစ်ဝက် စာမေးပွဲကျင်းပမည်ဖြစ် ပြီး ၂၅ မှတ်ဖိုး စာမေးပွဲ မေးခွန်းပုံစံဖြစ် ကြောင်း သိရသည်။


ယခုနှစ် ၂၀၁၉- ၂၀၂၀ ပညာသင်နှစ် တွင် KG ၊ ပထမတန်း၊ ဒုတိယတန်း၊ တတိယတန်းနှင့် ဆဋ္ဌမတန်းတို့ကို သင်ရိုးသစ်ဖြင့် သင်ကြားလျက်ရှိသည်။မြန်မာနိုင်ငံတွင် အခြေခံပညာ မူလတန်း၊ အလယ်တန်း၊ အထက်တန်းအဆင့် ကျောင်းပေါင်း ၄၇၀၀၀ ကျော်ရှိပြီး ယင်းအခြေခံပညာကျောင်းများ၌ ၂၀၁၈-၂၀၁၉ ပညာသင်နှစ်တွင် ပညာသင်ကြားခဲ့သည့် ကျောင်းသားကျောင်းသူ ကိုးသန်းကျော်ရှိ ကြောင်း ပညာရေးဝန်ကြီးဌာန၏ ထုတ်ပြန်ချက်အရ သိရသည်။


Credit-EMG