လီယွန်နယ်မက်ဆီနှင့်ရော်နယ်ဒင်ဟိုတို့ဟာနာမည်ကျော်ကစားသမားအမြောက်အမြားပါဝင်လာမယ့်ရန်ပုံငွေပွဲတစ်ပွဲတွင်ပြန်လည်ဆုံစည်းလာကြတော့မှာဖြစ်ပါတယ်။

၂၀၂၂ကမ္ဘာ့ဖလားပြိုင်ပွဲကျင်းပရန်ခြောက်ရက်အလိုနိုဝင်ဘာလ၁၄ရက်နေ့တွင် ရောမရှိ Stadio Olimpico ကွင်းတွင် Match For Peace ရန်ပုံငွေပွဲကိုကစားသွားပါမယ်။

အဆိုပါပွဲကို ပုပ်ရဟန်းမင်းကြီးဖရန်ဆစ်ရဲ့ဖောင်ဒေးရှင်း WePlayForPeaceကကြီးမှူးကျင်းပလာမှာဖြစ်ပြီးကွယ်လွန်သွားရှာပြီဖြစ်တဲ့ဒီယေဂိုမာရာဒိုနာအတွက်ရည်စူးပြီးရန်ပုံငွေကစားလာမှာလည်းဖြစ်ပါတယ်။

အဆိုပါပွဲစဉ်တွင်ပါဝင်ကစားရန်စူပါစတားကစားသမားအမြောက်အမြားတို့လက်မှတ်ရေးထိုးထားကြပြီးဖြစ်ပါတယ်။

လူးဝစ်ဆွာရက်ဇ်၊အိုင်ဗန်ရာကီတစ်၊ဒါနီအဲလ်ဗက်စ်၊အိန်ဂျယ်ဒီမာရီယာ၊မာဆီရိုဒရီဂွက်ဇ်၊ဂျီယန်လူဂီဘူဖွန်၊ပီပီရေနာတို့ပါဝင်ကစားလာကြပါမယ်။

ဒါ့အပြင်ရိုးမားနည်းပြဟိုဆေးမော်ရင်ဟိုလည်းအသင်းတစ်သင်းကိုကြီးကြပ်လာမှာဖြစ်ပါတယ်။ယင်းပွဲတွင်ရော်နယ်ဒင်ဟိုနှင့်စီရိုအမ်မိုဘိုင်းတို့ကတစ်သင်းစီကိုအသင်းခေါင်းဆောင်အဖြစ်တာဝန်ယူလာကြပါမယ်။

ယခုအခါယင်းရန်ပုံငွေအတွက်ပိုပြီးတော့စိတ်လှုပ်ရှားစရာကောင်းလာတာကတော့ Ballon d’Or ဆုခုနှစ်ကြိမ်ရလီယွန်နယ်မက်ဆီလည်းပါဝင်ကစားလာမှာဖြစ်ပါတယ်။

မက်ဆီနှင့်ရော်နယ်ဒင်ဟိုတို့ဟာမကြာသေးမီတုန်းက Pepsi ရဲ့ကြော်ငြာတွင်ပေါလ်ပေါ့ဘာနှင့်အတူ ပါဝင်ခဲ့ကြပါတယ်။