၂၀၂၀-၂၀၂၁ ဘောလုံးရာသီ လီဗာပူးအသင်းကနေ ထွက်ခွာခွင့်ပြုသူများစာရင်း ထွက်ပေါ်


၂၀၂၀-၂၀၂၁ ဘောလုံးရာသီ လီဗာပူးအသင်းကနေ ထွက်ခွာခွင့်ပြုသူများစာရင်း ထွက်ပေါ်

လီဗာပူးအသင်းဟာ ၂၀၂၀-၂၀၂၁ ဘောလုံးရာသီအတွက် ကလပ်ကနေ ထွက်ခွာခွင်ပြုတဲ့ ကစားသမားစာရင်း ထုတ်ပြန်ခဲ့ရာမှာ အကယ်ဒမီ ကစားသမားတွေပဲ ပါဝင်ခဲ့ပါတယ်။


Liam Coyle, Joe Hardy, Abdi Sharif, Jack Walls အစရှိတဲ့ လူငယ် လေးဦးကို ထွက်ခွာခွင့် ပေးခဲ့ခြင်းဖြစ်ကာ ၎င်းတို့အားလုံးရဲ့ ကလပ်အတွက် ပါဝင်ပေးမှုတွေကို ကျေးဇူးတင်ကြောင်း၊ အနာဂတ်မှာ အဆင်ပြေကြပါစေကြောင်းကိုလည်း အသင်းဘက်က ဆုတောင်းပေးခဲ့တယ်။


လီဗာပူးက ထွက်ခွာခွင့်ပေးခဲ့တဲ့ အသက် ၂၂ နှစ်အရွယ် တိုက်စစ်မှူး ဂျိုးဟာဒီဟာ ၂၀၂၀ ဇန်နဝါရီတုန်းက ဘရတ်ဖိုဒ့်ကနေ လူငယ်အသင်းအတွက် ခေါ်ယူထားခြင်း ခံရသူဖြစ်တယ်။ သူဟာ ၂၀၂၀-၂၀၂၁ ဘောလုံးရာသီ ပထမရာသီဝက်အတွက် လီဗာပူးအသင်းရဲ့ ချန်ပီယံလိဂ် လူစာရင်းမှာ ဗန်ဒိုက်နေရာ အစားပါဝင်ခဲ့သူလည်း ဖြစ်ပါတယ်။


ဟာဒီကို ခေါ်ယူစဉ်တည်းက လူငယ်အသင်းမှာ ရေတိုသုံးဖို့ ကာလတိုဖြင့် စာချုပ်ချုပ်ခဲ့ခြင်းဖြစ်ကာ ကစားသမားရဲ့ တိုးတက်မှုဟာ ကလပ်ရဲ့ စီနီယာထံ ရောက်လာဖို့ လိုအပ်မှုတွေ ရှိနေခြင်းအတွက် ထွက်ခွင့်ပေးရခြင်းလည်း ဖြစ်ပါတယ်။


လီဗာပူးဘက် ရာသီအကုန်မှာပဲ လူငယ် ကစားသမား နှစ်ဦးဖြစ်တဲ့ လာရိုစီနဲပ ရီမီ ဆားဗေ့ချ်ကို သက်တမ်းတိုးစာချုပ်တွေ ပေးခဲ့ပါသေးတယ်။ လီဗာပူး စီနီယာအသင်းမှာ လာရိုစီကို နေရာပေး ခေါ်ယူလိုခဲ့ပေမယ့် ကစားသမားလေးရဲ့ ဒဏ်ရာပြဿနာ၊ သက်တမ်းတိုးစာချုပ်ချုပ်ဖို့ ငြင်းဆန်မှုတွေကြောင့် လူငယ်အသင်းမှာပဲ ဆက်ရှိနေရသူဖြစ်တယ်။


ခံစစ်မှူးကိုမတ်တီယိုက လာရိုစီကို အင်စတာဂရမ်မှာ “ကံကောင်းပါစေ သူငယ်ချင်း ပြန်တွေ့ကြတာပေါ့” လို့ နုတ်ဆက်ထားခြင်းကြောင့် သက်တမ်းတိုးကိစ္စ အောင်မြင်ဖွယ် မရှိဘူးလို့လည်း သုံးသပ်နေကြပါတယ်။