ဂရုဂျစ်အတွက် ပြောင်းရွှေ့ကြေးကြီး ရဖို့ အလားအလာကောင်းတွေ ပိုင်ဆိုင်လာတဲ့ လီဗာပူး


ဂရုဂျစ်အတွက် ပြောင်းရွှေ့ကြေးကြီး ရဖို့ အလားအလာကောင်းတွေ ပိုင်ဆိုင်လာတဲ့ လီဗာပူး

လီဗာပူးအသင်းဟာ ဒီနွေမှာ ကွင်းလယ်လူ ဂရုဂျစ်ကို ရောင်းထုတ်နိုင်ဖို့ ကြိုးစားမှာဖြစ်ကာ ယခင် အငှားချဖူးတဲ့ ကလပ် ၂ သင်းထံကနေ စိတ်ဝင်စားမှုတွေ ရရှိထားတယ်လို့ သိရပါတယ်။


၂၀၁၆ ခုနှစ်မှာ ယာဂင်ကလော့ပ်ရဲ့ ပထမဆုံး လက်မှတ်ထိုးမှုအဖြစ် ဆားဘီးယားကလပ် ရတ်စတားအသင်းကနေ ပေါင် ၅.၁ သန်းဖြင့် ရောက်ရှိလာတဲ့ ဂရုဂျစ်ဟာ လီဗာပူးအတွက် ၁၆ ပွဲပဲ ကစားဖူးထားသူပါ။ သူဟာ ရတ်စတား၊ ကာဒစ်၊ ဟာသာဘာလင်နဲ့ ပေါ်တိုအသင်းတွေထံ အငှားထွက်ကစားခဲ့ကာ အခုချိန်မှာ အသက် ၂၅ နှစ်အရွယ်ကို ရောက်လာခဲ့ပါပြီ။


လီဗာပူးဘက်က ဂရုဂျစ်အတွက် စိတ်ဝင်စားမှုတွေ ရလာခြင်းကြောင့် အပြောင်းအရွှေ့ အပြိုင်ကမ်းလှမ်းမှုတွေ ဖြစ်လာဖို့ မျှော်လင့်ထားတယ်။ ဂရုဂျစ်အတွက် သတ်မှတ်ထားတဲ့ ပြောင်းရွှေ့ကြေးက ပေါင် သန်း ၂၀ ဖြစ်ပြီး ပေါ်တိုနဲ့ ဟာသာဘာလင်တို့က အပြီးသတ် ခေါ်ယူနိုင်ရေး ဆွေးနွေးလိုနေတယ်လို့ သိရပါတယ်။


ပေါ်တိုဟာ ၎င်းတို့အသင်းသား အိုလီဗီယာကို ရောင်းထုတ်ပြီးခဲ့ရင် ဂရုဂျစ်ကို ခေါ်ယူဖို့ ကြိုးစားမှာဖြစ်တယ်။ ဂျာမာန်ဘက်ကလည်း ဟာသာဘာလင်က ကလပ်ကို အငှားလာကစားစဉ် ကာလရှည် ခြေစွမ်းပြဖူးတဲ့ ဂရုဂျစ်ကို ခေါ်ယူလိုနေပြီး အားကစားဒါရိုက်တာ Dirk Dufner က ဒီခေါ်ယူမှုဖြင့် လက်စွမ်းပြလိုနေတယ်လို့ အသံထွက်ထားတယ်။


အောက်တိုဘာတုန်းက The Athletic သတင်းထောက် James Pearce က ဂရုဂျစ်ဟာ လီဗာပူးအသင်းအတွက် ကစားပေးရဖို့ကိုလည်း စိတ်ကုန်ခြင်း မရှိသေးဘူး ဖော်ပြထားတယ်။ ဒါပေမယ့်လို့ လက်တလော ထွက်ပေါ်နေတဲ့ သတင်းတွေအရ ကလပ်ဟာ နွေအသုံးစရိတ် ပိုရဖို့အတွက် ဆားဘီးယား ကွင်းလယ်လူကို ရောင်းထုတ်ဖို့ကိုပဲ ပိုအားသန်နေတဲ့ သဘော ဖြစ်ပါတယ်။