လီဗာပူးတိုက်စစ်သမား တာကူမီကို ခေါ်ယူဖို့အတွက် စကားစပြောနေပြီဖြစ်တဲ့ ဆောက်သမ်တန်


လီဗာပူးတိုက်စစ်သမား တာကူမီကို ခေါ်ယူဖို့အတွက် စကားစပြောနေပြီဖြစ်တဲ့ ဆောက်သမ်တန်

ဆောက်သမ်တန်မန်နေဂျာ ဟက်ဆန်ဟက်က တိုက်စစ်သမား မီနာမီနိုကို ခေါ်ယူဖို့အတွက် မာဆေးဆိုဒ်ကလပ်နဲ့ စကားပြောနေပါကြောင်း ထုတ်ပြောလာပါတယ်။


၂၀၂၀ ဇန်နဝါရီတုန်းက ဆဲလ်ဘတ်ကနေ ပေါင် ၇.၂၅ သန်းပေးပြီး လီဗာပူးခေါ်ယူထားတဲ့ ဂျပန်သား တိုက်စစ်သမားဟာ ယာဂင်ကလော့ပ်ရဲ့ အသင်းအတွက် ထင်သလောက် ပွဲကစားပေးနိုင်ခြင်း မရှိပါဘူး။ ဒါကြောင့်လည်း ဆောက်သမ်တန်ထံ အငှားထွက်ကစားနေရခြင်းဖြစ်ကာ ဆောက်သမ်တန်ရဲ့ ကစားကွက်မှာ အံဝင်တဲ့ပုံစံတွေ မြင်ထားရတယ်။


လီဗာပူးနဲ့ ဆောက်သမ်တန်တို့ဟာ နှစ်သင်းကြား ဆက်ဆံရေးကောင်းတွေရှိပြီး ဒီနောက်ပိုင်းမှာ လီဗာပူးက ကစားသမား ရောင်းထုတ်မှုတွေ မကြာခဏ လုပ်ပေးနေခဲ့တာလည်းဖြစ်တယ်။ ဒီနွေမှာလည်း တာကူမီ မီနာမီနိုကို ဆောက်သမ်တန်ထံ သင့်လျော်တဲ့ ပြောင်းရွှေ့ကြေးဖြင့် ရောင်းထုတ်ပေးမယ်လို့ သတင်းကြီးနေပါတယ်။


ဟက်ဆန်ဟက်က ‘ ကစားသမားတစ်ယောက်က သူကစားချင်သလို ပွဲကစားချိန်တွေ မရဘူးဆိုတာက သိပ်ကောင်းတဲ့ကိစ္စ မဟုတ်ပါဘူး။ တာကူမီက လေ့ကျင့်ရုံ လေ့ကျင့်နေရပြီး ပွဲထွက် ၁၁ ယောက်ထဲ မပါရဘူး ဖြစ်နေပါတယ်။


တာကူမီအတွက် အရေးကြီးဆုံးက ပွဲကစားခွင့်တွေ ရနေဖို့ဖြစ်ပါတယ်။ ကျနေ်ာတို့ လီဗာပူးနဲ့ စကားပြောနေတယ်။ တာကူမီနဲ့ ပတ်သက်ပြီး ဘာလုပ်ရမယ်ဆိုတာကို လီဗာပူးဘက်ကလည်း မသေချာသေးပါဘူး။ ဘာလို့လည်းဆိုတော့ လီဗာပူးက အပြောင်းအရွှေ့ ဈေးကွက်ထဲမှာ လှုပ်ရှားစရာတွေ ရှိနေသေးလို့ ဖြစ်ပါတယ်။


တာကူမီအတွက်ကတော့ ဒီမှာ ကစားခွင့်ရနေတာက အရေးကြီးပါတယ်။ ကျနေ်ာတို့က သူ့ကို ပွဲကစားခွင့်တွေ ပေးနိုင်ပြီး သူ အသင်းမှာ ရှိနေတာအတွက် ကျနေ်ာတို့အားလုံး ပျော်ရွှင်နေပါတယ် ‘ လို့ ဆိုခဲ့တာဖြစ်တယ်။