ခရီးသည်တင်လေယာဉ် ပစ်ချမှု တာဝန်ရှိသူတွေ အီရန်ဖမ်းဆီး

2020-01-14 22:24:46


ခရီးသည်တင်လေယာဉ် ပစ်ချမှု တာဝန်ရှိသူတွေ အီရန်ဖမ်းဆီး

ခရီးသည်တင်လေယာဉ် ပစ်ချမှု တာဝန်ရှိသူတွေ အီရန်ဖမ်းဆီး


အီရန်နိုင်ငံအနေနဲ့ ယူကရိန်းခရီးသည်တင်လေယာဉ်ကို မှားယွင်းပစ်ချခဲ့မူအတွက် လိုအပ်တဲ့ အရေးယူမူတွေ စလုပ်နေပြီလို့ ဒီနေ့ ထုတ်ပြောလိုက်ပါတယ်။


ဒီခရီးသည်တင် လေယာဉ်ကို ပြီးခဲ့တဲ့ ဗုဒ္ဓဟူးနေ့က မှားယွင်း ပစ်ချခဲ့တာကို အီရန်ဘက်က နောက်ဆုံး ဝန်ခံခဲ့အပြီး၊ အီရန်ပြည်သူတွေရဲ့ မကျေနပ်မူတွေနဲ့ ဆန့်ကျင်ဆန္ဒပြမူတွေ မကြာခင်ရက်ပိုင်းတွင်း မြင့်မားလာနေချိန်မှာ၊ ခုလို အရေးယူမူစတင်နေကြောင်း ကြေညာခဲ့တာပါ။


အီရန် ထိပ်တန်းအရာရှိတွေအနေနဲ့ ဒီ လေယာဉ်ပစ်ချခဲ့ရခြင်း အကြောင်းရင်းကို ဖုံးကွယ်နိုင်ဖို့ ခုလို အရေးယူခဲ့ပုံရတယ်လို့ သုံးသပ်မူတွေလည်း ထွက်ပေါ်နေပါတယ်။


အီရန်တရားရေး ပြောခွင့်ရ Gholamhossein Esmaili က၊ ဒီအမူနဲ့ပတ်သက်ပြီး စစ်ဆေးမူတွေ လုပ်နေပြီး လူတချို့ကိုလည်းဖမ်းထားတယ်လို့ အီရန်အစိုးရပိုင်သတင်းဌာနကနေ ပြောခဲ့ပေမယ့်၊ ဘယ်သူတွေနဲ့ ဘယ်နှစ်ယောက်ကို ဖမ်းထားတယ်လို့တော့ မပြောခဲ့ပါဘူး။


ယူကရိန်းနိုင်ငံ Kyiv မြို့တော်ကိုသွားဖို့ ပြီးခဲ့တဲ့ ဗုဒ္ဓဟူးနေ့မှာပဲ တီဟီရန်မြို့တော် လေဆိပ်ကနေ ပျံတက်ပြီး သိပ်မကြာခင်မှာပဲ missile ဒုံးနဲ့ ပစ်ချခံခဲ့ရတဲ့ ဒီလေယာဉ်ပေါ်လိုက်ပါလာသူ ၁၇၆ ဦးလုံးသေဆုံးခဲ့ပါတယ်။