ICJ ဆုံးဖြတ်ချက် ကုလအတွင်းရေးမှူးချုပ် ကြိုဆို

2020-01-24 08:49:34


ICJ ဆုံးဖြတ်ချက် ကုလအတွင်းရေးမှူးချုပ် ကြိုဆို

ICJ ဆုံးဖြတ်ချက် ကုလအတွင်းရေးမှူးချုပ် ကြိုဆို


မြန်မာနိုင်ငံက လိုက်နာလုပ်ဆောင်ရမယ့် “ကြားဖြတ် အရေးပေါ်စီမံချက်” လေးခုကို နိုင်ငံတကာတရားခုံရုံး (ICJ) က ချမှတ်လိုက် တဲ့အပေါ် ကုလသမဂ္ဂအတွင်းရေးမှူးချုပ် Antonio Guterres က ကြိုဆိုလိုက်ပါတယ်။


“လူမျိုးတုံးသတ်ဖြတ်မှု တားဆီးကာကွယ်ရေးဆိုင်ရာ သဘောတူစာချုပ် Genocide Convention ကို ချိုးဖောက်တယ်လို့ ဂမ်ဘီယာနိုင်ငံက မြန်မာနိုင်ငံကို စွပ်စွဲထားတဲ့အမှုမှာ “ကြားဖြတ် အရေးပေါ်စီမံချက်” တွေ လုပ်ဆောင်ဖို့ နိုင်ငံတကာတရားခုံရုံးရဲ့ အမိန့်ကို အတွင်းရေးမှူးချုပ်က ကြိုဆိုပါတယ်။


နိုင်ငံတကာ အငြင်းပွားမှုတွေကို ဖြေရှင်းဖို့ ငြိမ်းချမ်းတဲ့နည်းလမ်းတွေ အသုံးပြု တာကို အတွင်းရေးမှူးချုပ်က အခိုင်အမာ ထောက်ခံပါတယ်။ ကုလသမဂ္ဂပဋိညာဉ်စာတမ်းနဲ့ တရားရုံးရဲ့ပြဌာန်းဥပဒေတွေအရ တရားရုံးရဲ့ဆုံးဖြတ်ချက်ကို မဖြစ်မနေ လိုက်နာလုပ်ဆောင်ရမှာဖြစ်ပြီး တရားရုံးအမိန့်ကို မြန်မာနိုင်ငံက အပြည့်အဝ လိုက်နာ မယ်လို့ အတွင်းရေးမှူးချုပ််က ယုံကြည်ပါတယ်။


တရားရုံးက အမိန့်ချမှတ်ထားတဲ့ “ကြားဖြတ် အရေးပေါ်စီမံချက်” တွေကို တရားရုံးရဲ့ပြဌာန်းဥပဒေအရ အတွင်းရေးမှူးချုပ်အနေနဲ့ လုံခြုံရေးကောင်စီထံ ချက်ခြင်းပေးပို့မှာဖြစ်ပါတယ်” လို့ အတွင်းရေးမှူး ချုပ်ရဲ့ ဒုတိယပြောခွင့်ရပုဂ္ဂိုလ် Farhan Haq က ကြာသပတေးနေ့ သတင်းစာရှင်းလင်းပွဲအတွင်း ပြောသွားပါတယ်။


ICJ က ချမှတ်လိုက်တဲ့ ကြားဖြတ် အရေးပေါ်စီမံချက်တွေကို ဖတ်ရှုနိုင်ပါတယ်။


တရားရုံးရဲ့ဆုံးဖြတ်ချက်နဲ့ပတ်သက်ပြီး ကြာသပတေးနေ့နှောင်းပိုင်းမှာ ထုတ်ပြန်ချက်တခု ထွက်လာဖို့ မျှော်လင့်ထားတယ်လို့ လည်း Farhan Haq က ပြောပါတယ်။