ကွင်းထဲသို့ ကိုယ်တိုင်သီချင်းဆိုပြီးဝင်လာသည့် MMA ဖိုက်တာ စက္ကန့်(၂၀)အတွင်း အလဲထိုးခံရ

2020-03-02 23:05:12


ကွင်းထဲသို့ ကိုယ်တိုင်သီချင်းဆိုပြီးဝင်လာသည့် MMA ဖိုက်တာ စက္ကန့်(၂၀)အတွင်း အလဲထိုးခံရ

ကွင်းထဲသို့ ကိုယ်တိုင်သီချင်းဆိုပြီးဝင်လာသည့် MMA ဖိုက်တာ စက္ကန့်(၂၀)အတွင်း အလဲထိုးခံရ


သင့်အနေနဲ့ အောင်လအန်ဆိုင်းရဲ့ပွဲတွေကိုတော့ ‌ ကြည့်ဖူးမှာပါ။ MMA ကစားသမားတိုင်းဟာ ပြိုင်ပွဲမစခင် ကွင်းထဲဝင်လာတဲ့အချိန်မှာ သူတို့ရွေးချယ်ထားတဲ့သီချင်းနဲ့ကွင်းထဲကို ဝင်လာလေ့ရှိပါတယ်။ အောင်လအန်ဆိုင်းဆိုရင်တော့ ပွဲတိုင်းနီးပါးကို လေးဖြူရဲ့”အမဲလိုက်အက”သီချင်းနဲ့ ဝင်လာလေ့ရှိပြီး နောက်ထပ်မြန်မာကိုယ်စားပြု ထီရယ်ထန်းဟာဆိုလည်း သူနောက်ဆုံးထိုးသတ်ခဲ့တဲ့ပွဲမှာ မနော်ရဲ့”ဗိုလ်အောင်ဒင်” သီချင်းနဲ့ ဝင်လာပြီး ပြိုင်ပွဲကိုအနိုင်ယူခဲ့ပါတယ်။


အောင်လအန်ဆိုင်းထိုးသတ်တဲ့ ONE Championship လိုမျိုး MMA ပြိုင်ပွဲတစ်ခုဖြစ်တဲ့ Road FC ကပြိုင်ပွဲတစ်ခုမှာတော့ ကစားသမားတစ်ယောက်ဟာ အများနဲ့မတူဘဲ ကွင်းထဲကို ကိုယ်တိုင်သီချင်းဆိုပြီးဝင်လာတော့ ပရိသတ်တွေ အံ့အားသင့်ခဲ့ရပါတယ်။ သူကတော့ တောင်ကိုးရီးယားနိုင်ငံသား Heo Jae Hyuk ပဲဖြစ်ပါတယ်။



Photo Credit : Road FC

Heo Jae Hyuk ဟာ အဲ့တုန်းက အသက် (၃၃)နှစ် အရွယ်ရှိပြီး အရပ် (၆)ပေ ပေါင် (၃၀၀)ရှိတဲ့ ဟဲဗီးဝိတ်ကစားသမားတစ်ဦးပဲဖြစ်ပါတယ်။ သူဟာကွင်းထဲကို Believer သီချင်းနဲ့ ကိုယ်တိုင်ဆိုပြီး ကွင်းထဲဝင်လာတော့ ပရိသတ်တွေက အော်ဟစ်အားပေးခဲ့ကြပါတယ်။ ဒါပေမယ့်လည်း ပြိုင်ပွဲထိုးသတ်တဲ့အခါမှာတော့ ပရိသတ်တွေကို စိတ်ပျက်စေခဲ့ပါတယ်။



Photo Credit : Road FC

အကြောင်းကတော့ သူနဲ့ထိုးသတ်တဲ့ ပြိုင်ဘက် Shim Gun Oh က သူ့ကို စက္ကန့် (၂၀)အတွင်း အလဲထိုးလိုက်လို့ပါပဲ။ အဲ့နောက်မှာတော့ ဝေဖန်သံတွေ များစွာထွက်ပေါ်ခဲ့ပါတယ်။ ဘာလို့လဲဆိုတော့ သူသီချင်းဆိုပြီး ဝင်လာတဲ့အချိန်ဟာ (၁)မိနစ်နဲ့ (၁၆)စက္ကန့်ကြာပြီး ပြိုင်ဘက်နဲ့ထိုးသတ်တဲ့အခါမှာတော့ စက္ကန့် (၂၀)နဲ့ အရှုံးပေးလိုက်ရလို့ပါပဲ။



Photo Credit : Road FC

ပြိုင်ဘက် Shim Gun Oh

“မင်း အဆိုတော်ပဲ လုပ်သင့်တယ် ဒီကွင်းထဲမှာ ရှိမနေသင့်ဘူး”လို့ တချို့တွေက ဝေဖန်ပြောဆိုခဲ့ကြပါတယ်။ တချို့ကလည်း Social Media မှာ “ငါ့ရဲ့အဆိုတော် Idol ကြီး Heo Jae Hyuk က စက္ကန့်(၂၀)အတွင်း အလဲထိုးခံလိုက်ရတယ်ဟေ့”ဆိုပြီးတော့ အရွှန်းဖောက်ခဲ့ကြပါတယ်။