ဂျပန်မှာ အရမ်းနာမည်ကြီးနေတဲ့ ခါးသွယ်ပြီး လှပစေမယ့် သဘာဝနည်းလမ်း

2020-03-30 23:02:43


ဂျပန်မှာ အရမ်းနာမည်ကြီးနေတဲ့ ခါးသွယ်ပြီး လှပစေမယ့် သဘာဝနည်းလမ်း

ဂျပန်မှာ အရမ်းနာမည်ကြီးနေတဲ့ ခါးသွယ်ပြီး လှပစေမယ့် သဘာဝနည်းလမ်း


ခါးသွယ်သွယ်လေးနဲ့ လှရုံတင်မဟုတ်ဘဲ လူရဲ့ကိုယ်နေဟန်ထားကိုပါ မတ်မတ်ကလေးနဲ့ စမတ်ကျလှပစေမယ့် သဘာဝနည်းလမ်းဆို ပျိုမေတို့ စိတ်ဝင်စားကြမယ် ထင်ပါတယ်။


ဒီနည်းလမ်းလေးက ခက်ခက်ခဲခဲလည်း မဟုတ်ဘဲ အချိန်အနည်းငယ်ပေးရုံနဲ့ ထူးခြားတဲ့ ရလဒ်ကို ရရှိစေမယ့် နည်းလမ်းလေး ဖြစ်ပါတယ်။


ဒီနည်းလမ်းလေးကို ဂျပန်နိုင်ငံရဲ့ နာမည်ကြီးသမားတော် တစ်ဖြစ်လည်း နာမည်ကျော်စာရေးဆရာက စမ်းသပ်ပြီး အကြံပြုထားတာ ဖြစ်ပါတယ်။


ဂျပန်သမားတော် ဒေါက်တာ တိုရှီကီ ဖူကူဆူဂျီက ကိုယ်နေဟန်ထား ပျက်ယွင်းနေတဲ့ လူနာတွေကို ကုသရာကနေ ရရှိလာတဲ့ နည်းလမ်းဖြစ်ပါတယ်။


ဒီနည်းလမ်းက တင်ပါးဆုံရိုးကို ပုံစံမှန်စေတာကြောင့် ခါးလေးကို သွယ်လျလှပစေပြီး ခန္ဓာကိုယ်ကိုပါ မတ်မတ်ကလေးနဲ့ စမတ်ကျလှပစေမှာပါ။


စလုပ်တော့မယ်ဆိုရင် တဘက်ပဝါအကြီးတစ်ခုရယ် ကြိုးတစ်ချောင်းရယ်သာ လိုအပ်ပါတယ်။


တဘက်ပဝါကို ကော်ပြန့်လိပ် လိပ်သလို ကျစ်ကျစ်ကလေး လိပ်လိုက်ပြီး ပြေထွက်မသွားအောင် ကြိုးနဲ့အသာလေး စည်းလိုက်ပါ။


ပြီးရင်တော့ ညီညာပြန့်ပြူးနေတဲ့ ကြမ်းပြင်မှာ လှဲချလိုက်ပါ။ စောစောက လိပ်ထားပြီးသား ပဝါလိပ်ကလေးကို ချက်နေရောတည့်တည့်လောက်မှာ ထားပြီး ခါးအောက်ကို ထည့်လိုက်ပါ။


အဆင်သင့်ဖြစ်ပြီဆိုရင်တော့ နောက်အဆင့်တွေက အရေးကြီးတာကြောင့် ဂရုတစိုက် မှတ်ထားပါ။


ပဝါလိပ်ကို ခါးအောက်မှာ ထည့်ပြီးပြီဆိုရင် ခြေထောက်တွေကို အနည်းငယ်ဆန့်ထုတ်ပြီး ခြေချောင်းတွေကို မျက်နှာချင်းဆိုင် ထိထားရပါမယ်။


လက်တွေကိုတော့ ခေါင်းအပေါ်ဘက်ကို ဆန့်ထုတ်ပြီး လက်ဖဝါးတွေကို မှောက်ထားတဲ့ အနေအထားမှာ ထားရပါမယ်။ လက်သန်းလေးတွေဟာ အချင်းချင်း ထိနေရပါမယ်။


ဒီပုံစံအတိုင်း ငါးမိနစ်ခန့် နေရမှာပါ။ စလုပ်လုပ်ချင်းမှာတော့ အနည်းငယ် နေရတာ ခက်ခဲပါလိမ့်မယ်။ ဒါပေမယ့် နောက်ပိုင်း ကျင့်သားရသွားရင်တော့ ပိုပြီးလွယ်ကူလာမှာပါ။


ဒီနည်းလေးကို တစ်ပတ်မှာ သုံးကြိမ် ပုံမှန်ပြုလုုပ်ပေးမယ်ဆိုရင် ကိုယ်ဟန်အနေအထားလေးက သိသိသာသာ ပြောင်းလဲလာတာကို တွေ့ရပါလိမ့်မယ်။


ငွေကုန်ကြေးကျလည်း မရှိဘဲ အချိန်လည်း အကြာကြီး မပေးရတာကြောင့် စမ်းကြည့်သင့်တဲ့ နည်းပါပဲနော်။


တကယ်လို့ သင်ဟာ ကြွက်သားနဲ့ ပတ်သက်ပြီး ကုသမှုတစ်ခုခု ခံယူနေရတဲ့သူဆိုရင်တော့ သင့်ရဲ့သမားတော် ခွင့်ပြုချက်ရရှိမှသာ ဒီနည်းလမ်းကို ပြုလုပ်သင့်ပါတယ်နော်။


အားလုံးပဲ စမတ်ကျကျ ကိုယ်ဟန်နေထားလေးတွေနဲ့ လှပနိုင်ကြပါစေလို့ ဆုမွန်ကောင်းတောင်းလိုက်ပါတယ်။


Credit:Yoon