မူဆယ်မြို့မှာ တရားမဝင်တရုတ်တွေကို လက်နက်တွေမူးယစ်ဆေးတွေနဲ့ဖမ်းမိ

2020-05-18 14:32:12


မူဆယ်မြို့မှာ တရားမဝင်တရုတ်တွေကို လက်နက်တွေမူးယစ်ဆေးတွေနဲ့ဖမ်းမိ

မူဆယ်မြို့မှာ တရားမဝင်တရုတ်တွေကို လက်နက်တွေမူးယစ်ဆေးတွေနဲ့ဖမ်းမိ


ရှမ်းပြည်နယ်မြောက်ပိုင်း မူဆယ်မြို့မှာ တရားမဝင်နေထိုင်တဲ့ တရုတ်နိုင်ငံသား ၁၉ ယောက်ကို ဖမ်းမိသလို သူတို့ဆီကနေ သေနတ်တွေ၊ ကွန်ပျုတာနဲ့ ဆက်စပ်ပစ္စည်းတွေ ဘိမ်းနဲ့ စိတ်ကြွမူးယစ် ဆေးတွေကို မေလ ၁၅ ရက်နေ့က ဖမ်းမိတယ်လို့ တပ်မတော် သတင်းမှန်ပြန်ကြားရေးက မေလ ၁၆ ရက်နေ့ညမှာ သတင်းထုတ်ပြန်ပါတယ်။


မေလ ၁၆ ရက်နေ့မှာတစ်ခါ အဲဒီမူဆယ်မြို့စွန်က သင်္ချိုင်းမှာ ဆာလာအိပ်တွေနဲ့ထည့်ပြီးမြှုပ်ထားတဲ့ မောင်းပြန်သေနတ်တွေနဲ့ ကျည်ကပ်တွေကို ပိုင်ရှင်မဲ့ရှာဖွေသိမ်းဆည်းရမိတယ်လို့ မနေ့ညက သတင်းထုတ်ပြန်ပါတယ်။ တစ်ခါ မေလ ၁၇ ရက် မနက်မှာတော့ WY စိတ်ကြွဆေးပြား တစ်သိန်း နှစ်သောင်းကို မော်တော်ဆိုင်ကယ်နဲ့သယ်လာတဲ့ လူငယ်နှစ်ယောက်ကို ဖမ်းမိပြီး၊ သူတို့ရဲ့ ထွက်ချက်အရ နောက်ထပ်လူငယ်တစ်ယောက်ကို ဖမ်းမိတယ်လို့ မနေ့ညက သတင်းထုတ်ပြန်ပါတယ်။



Photo: CCDAC Myanmar